وقفت معه فتحول حبه الى جفاء
انا حكايتى انى حبيت شخص واتخطبت ليه واهلى كانوا معترضين عليه بس وقفت قصادهم عشان الموضوع يكمل واتخطبت بالفعل بس كانت ظروفه صعبة انه يعمل اى حاجة بس وقفت جنبه ووالده اتوفى ومريت معاه بظروف نفسية صعبة جدا وعمل حادثة وبرضه فضلت معاه الفترة دى كلها لغاية ما ربنا كتبله السلامة وأول ما ورث من والده ابتدت تتغير المعاملة وابتدى يستهون بمشاعرى وحبى ويفترى عليا ويهمل فيا وعلى فكرة هو زميلى فى الشغل وجيران فى منطقة السكن بس مكنتش بشوفه غير فى الشغل وحتى كلام الحب انتهى ما بينا لان مشاعره اتحولت لجفاء فقررت انى اخذ القرار وابعد عنه وفعلا ده اللى حصل بس قابلتنى المفاجأة الكبيرة ان اهله محدش فكر انه يتصل بية يسأل انا ليه عملت كدة ودلوقتى هو عايز يرجع تانى وعامل لية مشاكل كتير
لا مترجعيش ليه .. لإن باختصار شديد مش وقت ما يحب يكون معاكى يبقى تمام ووقت ما يبقى مش عايزك يسيبك .. ده ميرضيش حد فعلاً ..
ممكن تكونى بتحبيه .. او جواكى حاجة مازالت بتنطق باسمه رغم جرحك منه .. لكن صدقينى الحب والغدر عمرهم ما يتلاقوا .. واللى يبيعك فى الظروف السهلة والبسيطة يبقى الأكيد انه هيبيعك وبسهولة عند اول محطة صعبة او عند اى فكرة بتراوده !!
على فكرة مش قاصد اجرحك بكلامى .. لكن بحاول ان تكون حروفى فيها شىء من الواقعية والعقل بعيد عن الاحساس
وفى النهاية .. اتمنى ليكى انك تلاقى الانسان اللى يقدر مشاعرك واحساسك بجد ويحافظ عليه ويعرف قيمته .
تحيـاتى
إمضاء / رجل من زمن آخر
لو بتحبيه بجد اديلوا فرصه تانيه هو لو مش بيحبك ايه اللى هيجبروا برجعلك والحب اللى بجد بئى صعب اوى فى زمنا ده سامحى ومتتسرعبش علشان متندميش
(ندى)